വിമര്‍ശനവും,
അസഹിഷ്ണുതയും മാത്രം കൈമുതലായിട്ടുള്ള നമ്മള്‍ മലയാളികള്‍ക്ക്‌
അത്രയൊന്നും ഇഷ്ടപ്പെടാത്ത വാക്കുകളാണ് സ്വയം വിമര്‍ശനവും, സഹിഷ്ണുതയും.
പലപ്പോഴും പലരും ആളുകളെ കയ്യിലെടുക്കുന്നത് തങ്ങളുടെ കാര്യം നേടുന്നതും
മുഖസ്തുതിയിലൂടെയാണ്. തങ്ങളെക്കുറിച്ച് നല്ലത് പറയുന്നത് കേള്‍ക്കാന്‍
ഇഷ്ടപ്പെടാത്തവര്‍ ആരാണുള്ളത്? ഓഫീസിലെ അല്ലെങ്കില്‍ മറ്റേതെങ്കിലും ജോലി സ്ഥലത്തെ
തിരക്കിനിടയില്‍ ആരെങ്കിലും വന്നു നിങ്ങളോട് തട്ടിക്കയറി സംസാരിക്കുകയോ, കുറ്റപ്പെടുത്തുകയോ ചെയ്യുമ്പോള്‍ നിങ്ങള്‍ അവരോടു എങ്ങിനെയാണ് പെരുമാറുക.
എല്ലാവര്ക്കും ആത്മസംയമനം പാലിക്കാന്‍ പറ്റി എന്ന് വരില്ല. ചിലര്‍ തിരിച്ചു
രൂക്ഷമായി പ്രതികരിക്കും. പ്രത്യേകിച്ചും വളരെ പെട്ടെന്ന് ദ്വേഷ്യം പിടിക്കുന്നവര്‍.
പിന്നീടാണ് അതിന്റെ ബുദ്ധിമുട്ടുകള്‍ അവര്‍ അനുഭവിക്കേണ്ടി വരുന്നത്. ഒന്നുകില്‍
ക്ഷമാപണം നടത്തി രാജിയാകണം അല്ലെങ്കില്‍ അവരുടെ പ്രതികാര നടപടികള്‍ക്ക്
വിധേയമാവണം. അല്ലെങ്കില്‍ വീണ്ടും അവരുമായി പൊരുതി കൂടുതല്‍ പ്രശ്നങ്ങള്‍ ഏറ്റു
വാങ്ങണം. അപ്പോള്‍ ഇത്തരം ഘട്ടങ്ങളില്‍ സഹിഷ്ണുതയോടെ കാര്യങ്ങള്‍ നേരിടാന്‍ നമ്മള്‍
പഠിക്കണം. അത് ഇന്ന് പലര്‍ക്കും സാധിക്കുന്നില്ല.
തങ്ങള്‍ക്കിഷ്ടമില്ലാത്ത കാര്യങ്ങള്‍ മറ്റുള്ളവര്‍ പറയുകയോ ചെയ്യുകയോ
ചെയ്യുന്നത് കാണാനും കേള്‍ക്കാനും വയ്യ. അതിനെ അസഹിഷ്ണുതയോടെ നോക്കുക ആ രൂപത്തില്‍
പ്രതികരിക്കുക അതൊക്കെ ഇന്ന് ഒരു നാട്ടു നടപ്പായി മാറിയിരിക്കുന്നു. ഫലം
വ്യക്തികള്‍ തമ്മില്‍ സംഘര്‍ഷം, കുടുംബങ്ങള്‍ തമ്മില്‍ പ്രശ്നങ്ങള്‍,
സമുദായങ്ങള്‍ തമ്മില്‍ പ്രശ്നങ്ങള്‍, രാഷ്ട്രീയ പാര്‍ട്ടികള്‍
തമ്മില്‍ പ്രശ്നങ്ങള്‍ അത് അതിന്റെ സകല സീമയും ലംഘിച്ചു സമൂഹത്തെ കാര്‍ന്നു തിന്നു
കൊണ്ടിരിക്കുന്നു.
സഹിഷ്ണുതയും സ്നേഹവും പ്രകടിപ്പിക്കേണ്ട മതങ്ങള്‍ ഇവിടെ മനുഷ്യരെ
തമ്മിലടിപ്പിക്കാനും വെറുക്കാനും ആണ് ഇന്ന് പഠിപ്പിക്കുന്നത്. ഒരു മതത്തിലും
ഗ്രന്ഥത്തിലും ഇതൊന്നും പറഞ്ഞിട്ടില്ലെങ്കിലും അത് ചെയ്യാനും ചെയ്യിക്കാനുമാണ്
എല്ലാവര്ക്കും താല്പര്യം. ഹിന്ദു ദേവതകളെ നഗ്നയാക്കി ചിത്രീകരിച്ചു എന്നതിന്റെ
പേരില്‍ ഒരു കൂട്ടര്‍ അക്രമം കാട്ടുമ്പോള്‍ ക്രിസ്തുവിന്റെ ആറാം തിരുമുറിവിന്റെ
പേര് പറഞ്ഞു മറ്റൊരു കൂട്ടരും, നബിയെ നിന്ദിച്ചു എന്ന പേരില്‍ വേറൊരു കൂട്ടരും തമ്മിലടിച്ചു
മരിക്കുന്നു. ലോകത്തില്‍ ഏറ്റവും കൂടുതല്‍ അക്രമങ്ങളും
മരണങ്ങളും നടന്നത് മതത്തിന്റെ പേരിലാണ്. ഇപ്പോഴും അത് തുടരുന്നു. മനുഷ്യനെ
മനുഷ്യനാക്കാത്ത മതം മനുഷ്യന് വേണോ എന്ന് ഓരോ ആളും ചിന്തിക്കേണ്ടിയിരിക്കുന്നു.ഒരു മനുഷ്യന്റെ ആത്മസംസ്കരണത്തിനു ഉപയോഗപ്പെടുന്നതായിരിക്കണം മതം. അതിനു
വേണ്ടിയായിരുന്നു അത് സൃഷ്ടിച്ചത്. എന്നാല്‍ ഇന്ന് മനുഷ്യരെ തമ്മിലടിപ്പിക്കാന്‍
അതെ മതങ്ങളെ ഉപയോഗിക്കുന്നു. മനുഷ്യര്‍ ദിവസം പ്രതി അതിനു ഇരയായികൊണ്ടിരിക്കുന്നു.
ഒരു കാലത്ത്‌ കുമ്പസാരക്കൂട്ടില്‍ കയറി തന്റെ കുറ്റങ്ങള്‍ മുഴുവന്‍ ഏറ്റു
പറഞ്ഞിരുന്ന ഒരു വിശ്വാസിക്ക് നല്ല മനസമാധാനാം കിട്ടിയിരുന്നു. ഇനി മുതല്‍ ഞാന്‍ തെറ്റിലേക്ക് വീഴില്ല എന്ന
ഒരു ജാഗ്രതയും ഉണ്ടായിരുന്നു. ഒപ്പം പുരോഹിതന്‍റെ ഒരു മേല്‍നോട്ടവും. ഇത് ഒരു
തരത്തിലുള്ള സ്വയം വിമര്‍ശനമാണ്. എന്നാല്‍ ഇന്ന് എത്ര പേര് ആ രീതി
പിന്തുടരുന്നുണ്ട്? തെറ്റ്
ചെയ്യുക. കുമ്പസരിക്കുക. അത് പൊറുക്കപ്പെട്ടു എന്ന് വിശ്വസിക്കുക എന്നിട്ട്
വീണ്ടും തെറ്റ് ചെയ്യുക വീണ്ടും കുമ്പസരിക്കുക അപ്പോള്‍ വീണ്ടും പോറുക്കപ്പെടും
എന്ന് വിശ്വസിക്കുക. തെറ്റുകള്‍ തങ്ങളുടെ ആവശ്യത്തിനനുസരിച്ച്‌ ചെയ്തു
കൊണ്ടെയിരിക്കുക ആ രീതിയിലേക്ക്‌ കാര്യങ്ങളെ മാറ്റിയിരിക്കുന്നു. വിശ്വാസം പോലും
കച്ചവട ചരക്കാക്കി ജീവിക്കുന്ന ഒരു സമൂഹവും അത്തരം ആള്കൂട്ടങ്ങളും ഉള്ളിടത്തോളം
കാലം ഇത് ഇനിയും തുടരും.
വിമര്‍ശനവും, അസഹിഷ്ണുതയും മാത്രം കൈമുതലായിട്ടുള്ള നമ്മള്‍ മലയാളികള്‍ക്ക്‌ അത്രയൊന്നും ഇഷ്ടപ്പെടാത്ത വാക്കുകളാണ് സ്വയം വിമര്‍ശനവും, സഹിഷ്ണുതയും.
പലപ്പോഴും പലരും ആളുകളെ കയ്യിലെടുക്കുന്നത് തങ്ങളുടെ കാര്യം നേടുന്നതും മുഖസ്തുതിയിലൂടെയാണ്. തങ്ങളെക്കുറിച്ച് നല്ലത് പറയുന്നത് കേള്‍ക്കാന്‍ ഇഷ്ടപ്പെടാത്തവര്‍ ആരാണുള്ളത്? ഓഫീസിലെ അല്ലെങ്കില്‍ മറ്റേതെങ്കിലും ജോലി സ്ഥലത്തെ തിരക്കിനിടയില്‍ ആരെങ്കിലും വന്നു നിങ്ങളോട് തട്ടിക്കയറി സംസാരിക്കുകയോ, കുറ്റപ്പെടുത്തുകയോ ചെയ്യുമ്പോള്‍ നിങ്ങള്‍ അവരോടു എങ്ങിനെയാണ് പെരുമാറുക. എല്ലാവര്ക്കും ആത്മസംയമനം പാലിക്കാന്‍ പറ്റി എന്ന് വരില്ല. ചിലര്‍ തിരിച്ചു രൂക്ഷമായി പ്രതികരിക്കും. പ്രത്യേകിച്ചും വളരെ പെട്ടെന്ന് ദ്വേഷ്യം പിടിക്കുന്നവര്‍. പിന്നീടാണ് അതിന്റെ ബുദ്ധിമുട്ടുകള്‍ അവര്‍ അനുഭവിക്കേണ്ടി വരുന്നത്. ഒന്നുകില്‍ ക്ഷമാപണം നടത്തി രാജിയാകണം അല്ലെങ്കില്‍ അവരുടെ പ്രതികാര നടപടികള്‍ക്ക് വിധേയമാവണം. അല്ലെങ്കില്‍ വീണ്ടും അവരുമായി പൊരുതി കൂടുതല്‍ പ്രശ്നങ്ങള്‍ ഏറ്റു വാങ്ങണം. അപ്പോള്‍ ഇത്തരം ഘട്ടങ്ങളില്‍ സഹിഷ്ണുതയോടെ കാര്യങ്ങള്‍ നേരിടാന്‍ നമ്മള്‍ പഠിക്കണം. അത് ഇന്ന് പലര്‍ക്കും സാധിക്കുന്നില്ല.
തങ്ങള്‍ക്കിഷ്ടമില്ലാത്ത കാര്യങ്ങള്‍ മറ്റുള്ളവര്‍ പറയുകയോ ചെയ്യുകയോ ചെയ്യുന്നത് കാണാനും കേള്‍ക്കാനും വയ്യ. അതിനെ അസഹിഷ്ണുതയോടെ നോക്കുക ആ രൂപത്തില്‍ പ്രതികരിക്കുക അതൊക്കെ ഇന്ന് ഒരു നാട്ടു നടപ്പായി മാറിയിരിക്കുന്നു. ഫലം വ്യക്തികള്‍ തമ്മില്‍ സംഘര്‍ഷം, കുടുംബങ്ങള്‍ തമ്മില്‍ പ്രശ്നങ്ങള്‍, സമുദായങ്ങള്‍ തമ്മില്‍ പ്രശ്നങ്ങള്‍, രാഷ്ട്രീയ പാര്‍ട്ടികള്‍ തമ്മില്‍ പ്രശ്നങ്ങള്‍ അത് അതിന്റെ സകല സീമയും ലംഘിച്ചു സമൂഹത്തെ കാര്‍ന്നു തിന്നു കൊണ്ടിരിക്കുന്നു.
സഹിഷ്ണുതയും സ്നേഹവും പ്രകടിപ്പിക്കേണ്ട മതങ്ങള്‍ ഇവിടെ മനുഷ്യരെ തമ്മിലടിപ്പിക്കാനും വെറുക്കാനും ആണ് ഇന്ന് പഠിപ്പിക്കുന്നത്. ഒരു മതത്തിലും ഗ്രന്ഥത്തിലും ഇതൊന്നും പറഞ്ഞിട്ടില്ലെങ്കിലും അത് ചെയ്യാനും ചെയ്യിക്കാനുമാണ് എല്ലാവര്ക്കും താല്പര്യം. ഹിന്ദു ദേവതകളെ നഗ്നയാക്കി ചിത്രീകരിച്ചു എന്നതിന്റെ പേരില്‍ ഒരു കൂട്ടര്‍ അക്രമം കാട്ടുമ്പോള്‍ ക്രിസ്തുവിന്റെ ആറാം തിരുമുറിവിന്റെ പേര് പറഞ്ഞു മറ്റൊരു കൂട്ടരും, നബിയെ നിന്ദിച്ചു എന്ന പേരില്‍ വേറൊരു കൂട്ടരും തമ്മിലടിച്ചു മരിക്കുന്നു. ലോകത്തില്‍ ഏറ്റവും കൂടുതല്‍ അക്രമങ്ങളും മരണങ്ങളും നടന്നത് മതത്തിന്റെ പേരിലാണ്. ഇപ്പോഴും അത് തുടരുന്നു. മനുഷ്യനെ മനുഷ്യനാക്കാത്ത മതം മനുഷ്യന് വേണോ എന്ന് ഓരോ ആളും ചിന്തിക്കേണ്ടിയിരിക്കുന്നു.ഒരു മനുഷ്യന്റെ ആത്മസംസ്കരണത്തിനു ഉപയോഗപ്പെടുന്നതായിരിക്കണം മതം. അതിനു വേണ്ടിയായിരുന്നു അത് സൃഷ്ടിച്ചത്. എന്നാല്‍ ഇന്ന് മനുഷ്യരെ തമ്മിലടിപ്പിക്കാന്‍ അതെ മതങ്ങളെ ഉപയോഗിക്കുന്നു. മനുഷ്യര്‍ ദിവസം പ്രതി അതിനു ഇരയായികൊണ്ടിരിക്കുന്നു.
ഒരു കാലത്ത്‌ കുമ്പസാരക്കൂട്ടില്‍ കയറി തന്റെ കുറ്റങ്ങള്‍ മുഴുവന്‍ ഏറ്റു പറഞ്ഞിരുന്ന ഒരു വിശ്വാസിക്ക് നല്ല മനസമാധാനാം കിട്ടിയിരുന്നു. ഇനി മുതല്‍ ഞാന്‍ തെറ്റിലേക്ക് വീഴില്ല എന്ന ഒരു ജാഗ്രതയും ഉണ്ടായിരുന്നു. ഒപ്പം പുരോഹിതന്‍റെ ഒരു മേല്‍നോട്ടവും. ഇത് ഒരു തരത്തിലുള്ള സ്വയം വിമര്‍ശനമാണ്. എന്നാല്‍ ഇന്ന് എത്ര പേര് ആ രീതി പിന്തുടരുന്നുണ്ട്? തെറ്റ് ചെയ്യുക. കുമ്പസരിക്കുക. അത് പൊറുക്കപ്പെട്ടു എന്ന് വിശ്വസിക്കുക എന്നിട്ട് വീണ്ടും തെറ്റ് ചെയ്യുക വീണ്ടും കുമ്പസരിക്കുക അപ്പോള്‍ വീണ്ടും പോറുക്കപ്പെടും എന്ന് വിശ്വസിക്കുക. തെറ്റുകള്‍ തങ്ങളുടെ ആവശ്യത്തിനനുസരിച്ച്‌ ചെയ്തു കൊണ്ടെയിരിക്കുക ആ രീതിയിലേക്ക്‌ കാര്യങ്ങളെ മാറ്റിയിരിക്കുന്നു. വിശ്വാസം പോലും കച്ചവട ചരക്കാക്കി ജീവിക്കുന്ന ഒരു സമൂഹവും അത്തരം ആള്കൂട്ടങ്ങളും ഉള്ളിടത്തോളം കാലം ഇത് ഇനിയും തുടരും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ